Тĕлĕнтермĕш çĕршывра


Пĕр хĕвеллĕ ăшă ир

Юлташпала иксĕмĕр

Карçынккасем илтĕмĕр,

Кăмпа татма кайрăмăр.

Кĕрхи аслă вăрманта

Ытарма çук илемлĕ.

Ура айĕнчи çулçă та

Пăшăлтатать санпала.

Вăрманта кăмпа чылай,

Татса пĕтерес те çук.

Карçынккасем тулнă май

Киле каяс шухăш çук.

Кăмпа пухса-пуçтарса

Шалтан-шала кĕтĕмĕр.

Каялла тухас çултан

Çухалса та кайрăмăр.

Вăрман тăрăх ута-ута

Ывăнса та çитрĕмĕр.

Ыйхă пуса пуçласан

Эпир ларса кантăмăр.

Уçланкăра ларнипе

Киле эпир çитес çук.

Çавăнпа та юлташпа

Тупас терĕмĕр çула.

Карçынккасем йывăртан

Аран-аран утатпăр.

Утсан–утсан вăрманта

Пĕр уçланка тухатпăр.

Çак уçланкă варринче

Сарăлса ӳсет юман.

Çак тарана çитиччен

Кун пек йывăçа курман.

Тем вăрăмăш туратсем

Çилпе сулкалашаççĕ.

Юман тавра кайăксем

Пит çуйхашса вĕçеççĕ.

Йывăç çинче хăвăл пур.

Çав хăвăла кĕтĕмĕр.

Аслă çулпа утрăмăр,

Пысăк яла çитрĕмĕр.

Ялта ырă çынсем çеç

Пурăнаççĕ курăнать

Кашни тĕл пулаканах

Кăмăллăн ырă сунать.

Ялĕ таса та хитре,

Тем вăрăмăш урамсем.

Йĕри-тавра йывăçсем.

Темĕн тĕрлĕ чечексем.

Урамĕсем тап-таса,

Пĕр çӳпĕ те курăнмасть.

Симĕс курăк ешерет,

Пĕтĕм чунăм савăнать.

Пур çĕрте те кайăксен

Савăк юрри янăрать.

Тĕрлĕ -тĕрлĕ чечексен

Тутлă шăрши сарăлать.

Çыннисем пит кăмăллă,

Сăпайлă та тарават.

Пур хăнана савăнса

Сăйлать тутлă çимĕçпе.

Мĕн вăл вăрçă, хирĕçӳ?

Кунти çынсем пĕлмеççĕ.

Пĕр-пĕрне кăмăлласа

Ялан туслă пурнаççĕ.

Кунта ача–пăча та

Пĕр-пĕринпе хирĕçмест..

Йывăрлăхра пулăшать,

Пуриншĕн те тăрăшать.

Юлташпала иксĕмĕр

Хăнара та пултăмăр.

Кунти ырă пурнăçпа

Пурăнса та куртăмăр.

Хăнара аван пулин те

Чунăм килеллех туртать.

Хамăн атте-аннене

Ман часрах курас килет.

Пĕр асамлă чĕрĕ чун

Тупса пачĕ пире çул.

Çав çулпала утрăмăр,

Уçланка та тухрăмăр.

Çак асамлă çĕр-шывра

Пулса куртăмăр пĕрле.

Ялан туслă пурăнма

Тупа турăмăр пĕрле.

Вулавçăсен шухăшĕ Вулавçăсен шухăшĕ


Энтри (2008-11-22 23:37:28):

Аван. Ман шутпа хисеплĕ вырăна тивĕçлĕ ĕç пулмалла ку.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Admin (2008-12-03 21:52:17):

Чаплă. Выран лекмаллех тесе шутлатăп. Маттур!

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: