Кам тĕп тунă Çеçпĕле — чăнне Турă çеç пĕлет


Сăвăç тарăн йĕр хăварнă

Хамăр халăх асĕнче,

Çук, манмастпăр вут-кăварлă

Çĕнĕ кун çынни çинчен.

 

Пĕрчĕн-пĕрчĕн пуçтараççĕ

Сăвăçăн еткерлĕхне,

Кĕл тăваççĕ, пуç таяççĕ

Аякри вил тăприне.

 

Пирĕн ĕмĕр васкаварлă

Манăçа тухни тем чуль,

Çав тери этем каварлă

Туслăха çухатнă чух.

 

Тепĕр чух, пурте пĕлетпĕр,

Пуçлăхсен турти кĕске,

Сăвăçăн ятне-сумне те

Варалама пăхаççĕ-çке.

 

Остерта текех ытарлăн

Вуламаççĕ Çеçпĕле,

Палăкне таçта пытарнă,

Шкулĕн ячĕ çĕнĕллĕ.

 

Теприсем, ав, куçарасшăн

Шăм-шакне Чăваш Ене.

Ан хускатăр-ха, тархасшăн,

Вилнĕ çыннăн канăçне!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: