Йӗп те пур, ҫип те пур


Пăлтти-палтти

Сиккелесе кам çӳрет?

Куянсем.

Ак вĕсем.

Тупнă вăйă, пăхăр-ха!

Пĕрин урлă пĕри,

Теприн урлă тепри...

— Ай!

— Мĕн пулчĕ?

Чăрсăрри,

Харсăрри

Турат çине лекрĕ.

 

Шăлаварне,

Чи хаклине,

Çурмаранах çурчĕ.

Ак инкек:

«Йĕп çук,

Çип çук,

Мĕнле саплас халь ăна?»

— Чим.

Йĕп те пур,

Çип те пур.

— Ăçта?

 

— Çип арлама

Эрешмен

Пит ăста.

Йĕппине,

Киввине,

Хăйне кирлĕ маррине,

Илме пулать чĕрĕпрен.

Йĕп тупрĕç,

Çип тупрĕç,

Шăлаварне сапларĕç.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: