Хамăн
Хама хам пĕтерес, хама
Вĕçлес тесе — вĕç-хĕрсĕр
Хам вĕçĕме хам шырама —
Пурнатăп — хам сисмесĕр.
Йĕри-тавра — ытти çулсен,
Ытти çынсен хăватлă
Çул-йĕрĕн йывăр вĕçĕсем
Иртеççĕ... Тем çухатнăн —
Манра шыраççĕ — хăйсене!
Эп мĕн калайăп? — Эпĕ
Ӳкетĕп хамăн çул çине,
Хам çул çинче йĕретĕп.
Мухтав турра: хăть каçару
Ыйтмастăп — пурăннишĕн!
Ман тавăру та — тавăру
Хама çеç — хам пулнишĕн.
Шуса ӳксе йĕр тунисем,
Выртса йĕрсе хам çаннăн
Вĕçĕсене йĕпетнисем,
Куççулĕмсем те — хамăн!
Вулавçăсен шухăшĕ
Çĕнĕ комментари хуш
Марина (2018-02-12 22:08:37):
Ку сăвă мана питĕ кăмăла кайрĕ.