Катари асамлăх
Çывăраттăм чип-чипер:
Ăшă вырăн, шур минтер.
Куçне хĕсрĕ ялкăш çăлтăр:
— Тупсăмне пĕлме, эс, тăр.
Мĕн çинчен-ши вăл каласшăн?
Тен, вăрттăнлăхне уçасшăн?
Йăпăрт-япăрт сиксе тăтăм,
Ун патне çитме шут тытрăм.
Утрăм, утрăм пĕр çулпа,
Çитсе тăтăм уçланка.
Мĕн тери хитре кунта,
Пыл шăршиллĕ вăрманта.
Пыл хурчĕсем сĕрлеççĕ,
Пуху пекех кĕрлеççĕ.
Çынсем пекех пĕрне-пĕри
Хăй шухăшне калаç-тĕр.
Пуху пĕтрĕ пулмалла,
Пĕри тухрĕ малалла.
Çитсе тăчĕ ман патне,
Алне тăсрĕ ман енне.
Илсе кайрĕ вăл мана
Ват йăмраллă катана:
«Ак кунта çав вăл асамлăх,
Мăн аслаçун вăрттăнлăх.
Çак йăмрана аслаçу
Лартнă ыйтса пулăшу:
Ырлăх-сывлăх ĕмĕрлĕх,
Сывă пултăр пирĕн йăх»!
Йăмра силлерĕ çулçине,
Чĕтре-чĕтре хăй чĕлхине
Пуçларĕ хăйĕн халапне,
Пĕлтерчĕ йăлт мĕн пĕлнине:
«Куртăм эп нумай хĕн-хур
Хамăн вăрăм ĕмĕрте,
Анчах кĕтсе кашни çур
Сартăм хам çулçăсене.
Ман туратсем айĕнче
Нумай савнă мăшăрсем
Сăмах панă пĕр-пĕрне
Юратма мĕн виличчен.
Сан йăху та, мăнукăм,
Пуçланать акă манран.
Мăн аслаçу савăнса
Лартрĕ мана асăнса.
Юратрĕ вăл сарă хĕре
Пĕрре курсах кĕрекере.
Пиллерĕм эпĕ вĕсене
Пĕрле пулмашкăн ĕмĕрне.
Вăхăт иртрĕ пит нумай,
Ватăлтăм эпĕ самай.
Мăн аслаçун йăмрине
Ан ман эсĕ ĕмĕрне».
Нумай çӳрерĕм эп кунта,
Пурне те пĕлтĕм эп унта.
Çак йăмра-çке ман тымар,
Ăна ялан асра тытар!
Манас марччĕ хам йăха,
Çухатас мар пурлăха.
Мăн асатте хушнипе
Утас унăн уттипе.
Шухăшсем
План можите пожалуйста написать
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!