«Шурă хурăн çăвать кăтрине...»


Шурă хурăн çăвать кăтрине,

Сывлăмпа çăвăнать вĕрене.

 

Шăпчăк юрăç юрлать юррине,

Çут хĕвел хăпарать тӳпене.

 

Тӳпере чечек пек пĕлĕтсем,

Ман умра куç тулли чăн илем.

 

Çĕклет ман кăмăла çак илем,

Çуратать савăк юрă чĕрем.

 

Мĕн тери Чăваш çĕрĕ хитре,

Çак илем пурăнать чĕрере.

 

01.05.2007

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: