Пире вăрçă кирлĕ мар!


Пире вăрçă кирлĕ мар, тăнăç пурнăçа упрар.

Пулсан вăрçă çĕр çинче арканать пирĕн тĕнче:

Çут çанталăкăн илемĕ куç умĕнчех çухалать,

Уçă саслă кайăк-кĕшĕк хитре юрă юрламасть,

 

Хирти сарă чечек те пирĕн куçа илĕртмест,

Çĕкленекен ял-хула вутра çунса кĕлленет,

Ачисемшĕн кулянса ват çынсен куçĕ типмест,

Хаяр вăрçă хирĕнче нумай çын вилсе пĕтет.

 

Пире вăрçă кирлĕ мар, тăнăç пурнăçа упрар.

Пулмасассăн, тусăмсем, усал вăрçă çĕр çинче:

Çӳл тӳпери пĕлĕт те питĕ хитрен курăнать,

Сар хĕвел те çĕр питне ачашшăнрах çутатать,

 

Кĕмĕл саслă кайăк та хăй юррине шăратать,

Сад-пахчари чечексен ырă шăрши сарăлать,

Асанне те хăй куçне тутăр вĕçĕпе шăлмасть,

Шăкăл-шăкăл калаçса халăх туслă пурăнать.

 

Пире вăрçă кирлĕ мар, тăнăç пурнăçа упрар.

Куççульпе макăрар мар — кулă çиçтĕр пит çинче.

Çемьене уйăрар мар — пурăнччăр килĕштерсе.

Ялсене аркатар мар — аталанччăр вăй илсе.

 

Тăшман кирлĕ мар пире, пĕр-пĕрне тăван курар,

Кашни хăйĕн ĕçĕнче вăя хурса тăрăшар.

Ĕненсе малашлăха савăнса çеç пурăнар,

Çĕршывăмăра сыхлар, пире вăрçă кирлĕ мар!

Вулавçăсен шухăшĕ Вулавçăсен шухăшĕ


Галина Зотова (2011-04-01 08:08:09):

Патриотизм темине çутатнă хайлавсем мана яланах килĕшеççĕ.Алеша çырнă сăвă ыттисене те килĕшессе шанатăп. Вăл çырнă юмаха та тепĕр хут хаваспах вуласа тухрăм.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: