Çуралнă кун
Тулта тăрать шартлама сивĕ,
Чунра паян ман питĕ ырă,
Мĕншĕн тесен Çуралнă кун,
Эп кĕтнĕ, тем пек кĕтнĕ кун.
Çулталăкра пĕрре пулать,
Сĕтел тавра хăна пухать,
Телейлĕ вăхăт парнелет,
Чуна вăл техĕмлĕх кӳрет.
Çуралнă кун, хаваслă кун,
Асран кайми чи паллă кун!
Ун чух мана атте-анне
Сунаç чи çепĕç сăмахне.
Ĕçре ялан хастар пулма,
Килтисене чунтан савма,
Аслисене хисеп тума,
Вĕренӳре малта пыма.
Çуралнă кун, телейлĕ кун
Нихçан манми хаваслă кун!
Ялан вăл пултăр çĕр çинче,
Унпа илемлĕ çут тĕнче!
Вулавçăсен шухăшĕ
Çĕнĕ комментари хуш
Аня (2011-03-07 13:04:16):
Мана ку сăвă питĕ килĕшрĕ. Маттур, Валя!!!Ăнăçӳ сунатăп...
Настя Иванова (2011-03-07 13:07:12):
«Сăвă питĕ илемлĕ. Мана саламланă пекех туйăнчĕ, мĕншĕн тесен ĕнер ман çуралнă кун пулчĕ. Маттур,Валя!!!
Аркадий (2011-03-07 14:49:41):
Питĕ илемлĕ сăвă. Маттур, Валя! татах та çакăн пек илемлĕ сăвăсемпе савăнтар.
Валентина Васильевна (2011-03-09 12:10:55):
Сăвă питĕ кăмăла кайрĕ, ачалăха аса илтерчĕ.
Олеся (2011-03-09 12:20:54):
Ку сăвă ман чуна пырса тиврĕ, кăмăла çĕклерĕ. Чĕлхи уйрăмах илемлĕ, сăвă йĕркисем рифмăланаççĕ.Питĕ çăмăллăн вуланать. Маттур, Валя!!!
Наташа (2011-03-09 13:46:09):
Сăвва аван çырнă, мана питĕ килĕшрĕ.ĂнĂçу сунатăп, тантăшăм.
оксана (2011-03-09 16:51:02):
Питĕ лайăх,чуна кантаратьку сăвă
Надежда Валентиновна (2011-03-09 19:05:08):
Питĕ лайăх,чуна кантаратьку сăвă
Елена (2011-03-10 18:06:18):
Сăвă чуна пырса тивет. Сăвă çырас вăрттăнлăхне те мĕнле аван пĕлет вăл!