Хăш кун авланмалла-ши?
Уйăртăм тунтикуна
Эп каймашкăн хăтана.
«Ан кай, терĕç, тунтикун.
Вăл чăтма çук йывăр кун».
Авланмах тивет мана.
Кĕтрĕм ытларикуна.
«Ытларикун ытлашши.
Ан кӳл, терĕç, туй лаши».
Каяймарăм эп юнкун.
Вăл кун, терĕç, юнлă кун.
Кĕçнерникун хĕр илсен,
Пулĕ вăл кĕçенекен.
Эрнекун ан пĕрлешех,
Пурнăç пулĕ эрĕм пек.
Каламаççĕ мĕн кăна.
Юлтăм ак шăматкуна.
Мунча кунĕ — шăматкун.
Кам туй тăвĕ-ха вăл кун!
Вырсарникун канмалли.
Арăм пулĕ кахалли.
Пур куна анне сивлет.
Хăçан-ши кин кĕртмелле?
Хăçан тупăп чун ăшши?
Е хусах эп юлăп-ши?
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...