Лаша калаçăвĕ


Çĕн çул каç лашасем пĕр-пĕринпе калаçаççĕ тет. Мĕн пур шухăшĕсене пĕр-пĕрне каласа параççĕ тет. Лаша калаçнине илтнĕ çын питĕ сăваплă имĕш.

(Асанне каласа панинчен)

 

Çĕн çул каçпа, çурçĕрпе

Тухрăм эпĕ витене.

Итлеме лашасене,

Вĕсем мĕн калаçнине.

 

Шăппăн пытăм йăпшăнса,

Тăп тăратăп тăнласа.

Амăш калать тихине

Хăйĕн çепĕç сассипе:

 

— Пĕчĕкскерĕм, пĕчĕкскер,

Ӳссен пулăн пысăкскер.

Ик çул çитсен, çитĕнсен

Эсĕ кăштах вăй илсен,

Урапана кӳлĕнсе

Эс чуптарăн вирхĕнсе.

Хуçуна эс пулăшса,

Юртăн эс çуна туртса

Ача-пăча савăнса

Пырĕç ун çинче ларса.

Сӳрипеле сухине

Шуçăмпала ирхине

Эсĕ тухăн кӳлĕнсе

Тар кăларăн ĕçлесе.

Çуллахи ăш кунсенче

Эсĕ Сурăм хĕрринчен

Типнĕ курăк турттарса

Капан тăвăн тăрăшса.

Каçхине, хĕвел ансан,

Эс ĕçлесе ывăнсан

Çĕрĕпеле выртмара

Утă çийĕн улăхра.

Ĕçлемешкĕн вăй кĕртме

Тутлă сарă сĕллине

Ярса парĕ хăв умна

Хуçу юман кункрана.

 

Çапла хăйĕн сăмахне,

Амăш калать ачине.

Тихи тимлĕ итлесе,

Выртать утă кавлесе.

Вулавçăсен шухăшĕ Вулавçăсен шухăшĕ


Вол (2012-08-11 21:51:31):

"Тихи тимлĕ итлесе,

 

Выртать утă кавлесе". ! Лаша кавленине илтменччĕ

 

"Çĕрĕпеле выртмара

 

Утă çийĕн улăхра" ! - Утă аслăк çинче, улăхра вара, курăк..

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: