Ырăпа усал çинчен


1.

Хĕвел çинче

пĕр çутă илĕртет.

Чечексене тапта-тапта

утатăп

ун енне.

Çитетĕп те…

Ултав!

??!

Пушмак кĕллийĕ айĕнче

вак кантăк

чанкăртатрĕ.

 

2.

Тислĕк çинче ӳстернĕ çимĕçе

çумасăр эп

çимерĕм.

 

3.

Ыр выльăха пусма

хăю

çитерейместпĕр.

Ашне вара

тиркеместпĕр.

 

4.

Çурла хуçийĕн

ырлăхне,

çава хуçийĕн

ылханне

чашларĕ çумăр.

Сăваплă та

ылханлă

çумăр.

 

5.

Вĕлле хурчĕ

тăшмана

сăннипе тирнĕ чух

вилесси çинчен

шутламарĕ.

 

1974, кăрлач

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: