Пирĕн енчи çырласем — пыл пек тутлă...


Пирĕн енчи çырласем — пыл пек тутлă,

Пирĕн енчи ачасем — хĕмлĕ-вутлă,

Çапла хитре манăн çĕршывăм.

 

Пирĕн енчи шăпчăксем — уçă саслă.

Пирĕн енчи пикесем — ян хаваслă —

Çапла хӳхĕм манăн çĕршывăм.

 

Пирĕн енчи ăйăрсем сакăлталлă,

Пирĕн енчи каччăсем чап-мухтавлă —

Çапла паттăр манăн çĕршывăм.

 

Юрататăп Тăван Çĕршыва!

 

1955, авăн 1-мĕшĕ.

Çӳлтикасси.

Вулавçăсен шухăшĕ Вулавçăсен шухăшĕ


Шанчак (2013-08-19 14:00:32):

Хокку самаллан вуланать. Маттур!

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Agabazar (2013-08-21 22:54:43):

"Хокку" темелле мар пуль ку япалана.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: