Тăшмансăр кичем


Тăшман икĕ питлĕ:

Вăл пĕр аллипе

Сана ачашлать кăшт,

Çапать теприпе.

 

Ун сылтăм аллийĕ

Сана ыталать,

Тепри вăтанмасăр

Пăвмашкăн пуçлать.

 

Чеен кăтартать вăл

Сана савнине,

Çапах саншăн тумĕ

Нихçан ыррине.

 

Кирек те хăçан та

Тĕллев ун пĕрре —

Сана вăл таптасшăн

Ялан шелсĕрех.

 

Паллах, ку салхуллă,

Юратнă туссем.

Çапах пысăк вăй вăл —

Хура тăшмансем.

 

Мĕскер-ха тăвайăн

Çав сĕмсĕрпеле?

Анчах та тăшмансăр

Кичем пек темле.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: