Манăçнă сăмах-юмах, пурпĕр тупсăмĕ пурах


Уймăл1 упамасăн2 упăлчи3

Кăшт кăна уймаллă4 пуласси,

Уламас5 кĕпе-йĕм тăхăнса,

Мăйĕнчен уртмах6 çакса ярса,

Парнесем туйра пуçтарасси.

 

Уçă саслă та улатăпа7,

Тĕл пулмашкăн çăмăл мар унпа,

Кăлтăрти кăвак тăванĕнчен

Упăрч8 пурăнать ку таранччен.

 

Ухлĕм9 курăк улăхра ӳсет,

Шăрăха та пит аван тӳсет,

Вăхăтра çулса хатĕрлесен,

Выльăх-чĕрлĕх юратса çиет.

 

Услам кайăк10 тенĕ ма ăна,

Ушаха11 кĕме хăракана?

Услам кайăк пĕртте услам мар,

Хир качакине тытать вăр-вар.

 

Пур-ши, çук-ши халĕ ун пекки,

Килсерен ушапа12 улчепи13?

Пур пулсассăн пурпĕр япăх мар

Сивĕрен кĕрсессĕн ăшăнма.

 

Укрукпа14 тытсассăн тихана

Çав тери шеллес килет ăна.

 
1 Уймăл — лӳппер
2 Упамас — упа евĕрлĕ, упа пек
3 Упăлчи — йăли-йĕрки (обычай)
4 Уймаллă — чеерех
5 Уламас — ула пиртен çĕленĕ
6 Уртмах — туйра парне, укçа пухмалли сăран сумка
7 Улатăпа — вăрман кăвакарчăнĕ
8 Упăрч — уйрăм
9 Ухлĕм курăк — шурут (пырей)
10 Услам кайăк — арăслан
11 Ушах — шурлăх (трясина)
12 Уша — кăмака çумĕнчи сак
13 Улчепе — кăмака çумĕнчи шкап пекки
14 Укрук — мăйкăчлă шалча (лаша тытма)

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: