Мĕнле пурнан?


— Мĕнле пурнан? —

ыйтать манран хресчен,

Эп инçетрен яла пырса çитсен

Те шӳтлесе, те чăнласах калатăп:

 

— Тунката кăклатăп...

— Мĕнле пурнан? -

чăрр! тинкерсе куçран,

Ыйтать те ырă тус-тăван манран:

— Хуллен-хуллен-çке... Чăвашла, —

вăлтатăп, —

Çăлтăр шутлатăп...

 

— Мĕнле пурнан, ачам? — ыйтать анне,

Çунаттине сарса ик хул çине.

— Аван! Чипер! — вăтанарах кулатăп, —

Телей шыратăп...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: