Çулла


Йĕри-тавра илемлĕ çут тĕнче:

Пин-пин çĕн çулçă туратсем çинче

Вĕлтĕртетсе лараççĕ йĕркипе —

Кашни туратăн ешĕл çĕн кĕпе.

 

Эп тĕлĕнсе тăратăп пĕр самант —

Уçланкăра та пур-мĕн асамат;

Чечексемпе тĕреннĕ пек тĕнче,

Пуçа ухса лараççĕ çил çинче.

 

Уяр тӳпе пек сеп-сенкеррисем,

Хĕвел пек саррисем, хĕп-хĕрлисем.

Шур лĕпĕшсем вĕçеççĕ çаврăнса,

Канаççĕ чечексем çине ларса.

 

Çӳл тӳперен хĕвел кулса хĕртет,

Ĕçчен пыл хурчĕ савăнса сĕрлет,

Çĕмĕртлĕхре сар кайăк кĕвĕлет,

Пуриншĕн те мухтать çут хĕвеле!

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: