Кĕтрĕç, кĕтрĕç салтака...
Вăрçă пĕтнĕ. Çуркунне.
Çут çанталăк ырă.
Укăлча хапхи умне
Шăтнă ешĕл тырă.
Симĕс тулă çил çинче
Калчине турарĕ.
Тухрĕç, ав, уй хапхинчен
Ачапа хĕрарăм.
Хирте ларчĕç кун каçа
Ачапа асламăш.
Пĕчĕк ывăл калаçать,
Чунне лăплантармăш:
— Ма килмест-ха вăрçăран
Халĕ те аттеçĕм?
— Аякран килет, çуран,
Çитĕ-ха, пепкеçĕм.
Кĕтрĕç талăк, иккĕ те,
Ĕнтĕ уйăх кĕтрĕç.
Салтака кĕте-кĕте
Аптраса та çитрĕç.
Ешĕл тулă хумханса
Тайăлчĕ вăш та вăш,
Ларчĕç вăхăта манса
Ачапа асламăш.
Салтаксем тăван ялне
Таврăнчĕç пĕрерĕн.
Асаннемĕр ывăлне
Кĕтсе илеймерĕ.
Ача ывăнчĕ куран,
Чăтаймарĕ урăх:
— Асанне, мĕскершĕн сан
Çӳç-пуçу шап-шурă?
— Аслаçу пуçне хурсан
Вăрçăра Мускавшăн,
Кайрĕç тăнлавсем шурса,
Хурлăх çитрĕ маншăн.
Аçу халăх вăрçине
Кайрĕ — килеймерĕ:
Манăн ватă пуç çине
Шурă юр тиерĕ...
Ӳсрĕ тулă яштака —
Чĕрене йăпатмăш.
Кĕтрĕç, кĕтрĕç салтака
Ачапа асламăш.
Шухăшсем
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...