Чăваш каччи Сар Иван


Чăваш каччи Сар Иван,

Хĕвел ансан, каç пулсан,

Ял улăхне эс тухсан,

Çут çăлтăр пек курăнсан,

Яшсем сана сырăнсан,

Çамрăк чунăм савăнать,

Çимĕк çитнĕн туйăнать.

 

Чăваш каччи Сар Иван,

Çĕмĕрт çеçки çурăлсан,

Вăйă карти пухăнсан,

Тăсса ярсан купăсна,

Шăрантарсан юрруна,

Çамрăк чунăм савăнать,

Çимĕк çитнĕн туйăнать.

 

Чăваш каччи Сар Иван,

Эпир санпа тĕл пулсан,

Пĕрне-пĕри пуç тайсан,

Пĕрне-пĕри ыр сунсан,

Чунтан-вартан юратсан,

Çамрăк чунăм савăнать,

Çимĕк çитнĕн туйăнать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: