Сайта кӗр | Регистраци | Сайта кӗрсен унпа туллин усӑ курма пулӗ
 -5.0 °C
Паттӑрӑн пуҫӗ выртнӑ, тараканӑн йӗрӗ выртнӑ.
[ваттисен сӑмахӗ]
 

Таисия Ташней: «Хыпар» пирки тавлашнине итленӗ хыҫҫӑнхи ҫичӗ шухӑш

Таисия Ташней22.01.2017 18:491158 хут пӑхнӑ

«Хыпар» хаҫат пуласлӑхӗпе ҫыхӑннӑ видеотавлашӑва пухӑннисем (ӑна Чӑваш халӑх сайчӗ, Чӑваш наци культурин «Сӑвар» фончӗ тата «Сӑвар ТВ» телеканал йӗркеленӗ) наци кӑларӑмӗн кулленхи йывӑрлӑхӗ, хаҫат тиражӗ, ӑна пысӑклатма мӗн кансӗрлени пирки сӳтсе явнине эпӗ те кӑсӑклансах итлерӗм.

Калаҫӑва «Хыпара» нумай ҫул ертсе пынӑ Алексей Леонтьев, хаҫатра ӗҫленӗ Арсений Тарасовпа (ӑна ҫынсем ҫыравҫӑ тата драматург пек ытларах пӗлеҫҫӗ пулӗ) Владислав Николаев (вӑл «Тантӑш» редакторӗ пулнӑччӗ, редакцирен кайнӑ хыҫҫӑн пӗр вӑхӑт хӑй тӗллӗн хаҫат та кӑларса пӑхрӗ), чӑвашлӑх хастарӗ Тимӗр Тяпкин, Станислав Убасси паллӑ блогер тата Чӑвашпичечӗн пуҫлӑхӗ, Александр Белов журналист, «Хыпар» издательство ҫурчӗн директорӗн — тӗп редакторӗн тивӗҫне пурнӑҫлакан Дмитрий Моисеев тата Чӑваш халӑх сайчӗн администраторӗ Николай Плотников хутшӑнчӗҫ.

Видеотавлашӑва итленӗ хыҫҫӑн асӑмра юлнӑ шухӑшӑм ҫапларах. Пӗрремӗшӗнчен, пултарулӑх коллективӗнче патшасемпе тарҫӑсем пулмалла мар. Мӗншӗн апла шухӑшлани патне статья вӗҫӗнче таврӑнӑп-ха. Иккӗмӗшӗнчен, кунсерен тухса тӑман хаҫат ҫӗнӗ хыпарсемпе тивӗҫтерсе ӗлкӗреймест, темиҫе кунтан ҫитерекен хыпар кивелсе ӗлкӗрет. Виҫҫӗмӗшӗнчен, ытлашши вак-тӗвеклениччен (кунта «Хыпар» хаҫатӑн йышлӑ ачи-пӑчи пирки) пӗр хаҫата кӑсӑклӑрах тумалла. Тӑваттӑмӗшӗнчен, кирек епле ҫын та, ҫав шутра журналист та, ӗҫе чунтан парӑнтӑр тесен ӑна тивӗҫлӗ шалу тӳлемелле тата ӗҫре йӗркеллӗ атмосфера пулмалла. Пиллӗкмӗшӗнчен, тӗрлӗ шайри пуҫлӑхсене татти-сыпписӗр ырлакан, вӗсен сӑнӗпе чыхӑнтаракан МИХа ҫынсем йышӑнасси иккӗленӳллӗ. Улттӑмӗшӗнчен, пӗр-пӗрин шухӑшне кӳренмесӗр итлесе, ырӑ шухӑша ӑша хывса малалла тапаҫланмалла. Ҫиччӗмӗшӗнчен, ӗлӗкхилле шухӑшлавпа паян мала каяймӑн.

Патшасемпе тарҫӑсем патне тепӗр хутчен таврӑнма пултӑм та сӑмахӑма тытам. Нумаях пулмасть пӗр тутарпа, ӑнӑҫлӑ тутарпа, мал ӗмӗтлӗ те ҫиччӗ виҫсе пӗрре касакан тутарпа, калаҫма тивнӗччӗ. Тем пирки те сӑмахларӑмӑр унпа. Ун сӑмахӗнче пуринчен ытла асра юлни — хурлакансен ҫӑварне хупламалла мар тени. Вӑл шухӑшланӑ тӑрӑх, критиксем питех те кирлӗ, вӗсене тӑнламалла, усӑллине ҫур сӑмах каласан та ӑна ӑша илмелле, ҫавӑ аталанма пулӑшать. Ку вӑл патшине те, тарҫине те пырса тивме тивӗҫ.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (29.03.2017)

22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: ЭЛ № ФС 77 - 68592.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org