Сайта кӗр | Регистраци | Сайта кӗрсен унпа туллин усӑ курма пулӗ
 +8.0 °C
Йытӑ та хӑй хӳрине вараламасть.
[ваттисен сӑмахӗ]
 

Хыпарсен ҫыххи: Республикӑра

Республикӑра

Чӑваш Енре ҪҪХПИн икӗ стационар посчӗ уҫӑлнӑ. Вӗсене хальхи стандартсемпе килӗшсе тӑмалла тунӑ.

ЧР ШӖМӗ пӗлтернӗ тӑрӑх, постсем Шупашкар ҫывӑхӗнче уҫӑлнӑ. Вӗсем «Атӑл» М-7 тата «Вятка» ҫулсем ҫинче вырнаҫнӑ. Ҫул-йӗрпе патруль службин 14 инспекторӗ ҫӗнӗ постсенче талӑкӗпех дежурствӑра тӑрӗҫ.

Стационар пунктсенче ҫулпа пыракан транспорт правилӑсене пӑснине палӑртмашкӑн мӗнпур япала пур. Постра, шалта, инспекторсем пӳрне йӗрӗсене илме пултарӗҫ. Ку, тӗслӗхрен, шыраври парӑмҫӑсене тытса чарма май парать.

Хыпар ҫӑлкуҫӗ: https://pg21.ru/news/48972
 

Республикӑра

Чӑваш Енри таксистсен ҫынсене ҫул ҫӳревшӗн терминал урлӑ тӳлеме майсем туса памалла. Унсӑр пуҫне ҫӑмӑл машинӑна ахаль транспортран уйӑрмашкӑн сӑрлама, ятарлӑ паллӑсемпе, хатӗрсемпе тивӗҫтерме тивӗ. Ҫакӑн пирки Чӑваш Енӗн Транспорт министерстви ҫӗнӗ саккун проектӗнче ҫырнӑ.

«Мой город Чебоксары» (чӑв. «Ман хула Шупашкар») портал хыпарланӑ тӑрӑх, ҫынсене таксипе илсе ҫӳрекенсен машина салонӗнче ҫул ҫӳревшӗн электронлӑ майпа тӳлеме май паракан терминала саккунра палӑртнипе килӗшӳллӗн вырнаҫтармалла. Ку транспотӑн сарӑ тӗслӗ пулмалла, машинӑн айккинче таксие палӑртакан ӳкерчӗклӗ йӗр (сӑнӳкерчӗкри пек), ҫийӗнче хӗрлӗ сарӑ тӗслӗ хунар пулмалла, ҫав хунарӑн ҫула тухнӑ чухне ҫутӑлмалла.

Палӑртса хӑвармалла, саккун проектне йышӑнсан малашне республикӑра такси шутне те тӗрӗслесе тӑрӗҫ. Енчен те вӗсен хисепӗ 3 пин те 500 машинӑран иртсен ыттисен пассажирсене илсе ҫӳрес тесен аукцион витӗр тухса ирӗк илме тивӗ.

 

Республикӑра
Александр Андреев депутат
Александр Андреев депутат

Чӑваш Енӗн Патшалӑх Канашӗн депутачӗ Александр Андреев Фейсбукра Улатӑрта нумай ачаллӑ ҫемьесене кӳрентернӗ фактпа паллаштарнӑ.

Улатӑр хула администрацийӗ виҫӗ ачаллисене нумай ачаллисен йышне кӗртмен, ҫавна май вӗсене шкулта апатланма 50 процентлӑ ҫӑмӑллӑх паман иккен.

Йӳнӗпе апатлантармалли йӗрке пулнӑ-ха унта, анчах татӑ е унран ытларах ачаллисене ҫеҫ шута илнӗ.

Депутат виҫӗ ачаллисене хӳтӗлеме ыйтса прокуратурӑна ҫыру ҫырнӑ. Унта вӑл вырӑнтисен йышӑнӑвӗ республика тата федераци саккунӗсемпе килӗшсе тӑнипе тӑманнине тӗрӗслеме ыйтнӑ. Чӑваш Енӗн прокурорӗн ҫумӗ Александр Григорьев хуравланинче Улатӑр хула администрацийӗ саккуна пӑснине палӑртни сисӗнет.

 

Республикӑра

68 ҫулти хӗрарӑма ултавҫӑсем шӑнман пӑр ҫине лартса янӑ. Хайхискерсем унран ыйтмасӑрах кредит хӑйсем валли илнӗ.

Ултавҫӑсем ватӑ хӗрарӑмӑн паспорт даннӑйӗсене епле пӗлнӗ тетӗр-и? Пуш уйӑхӗн вӗҫӗнче вӗсем ун патне шӑнкӑравланӑ та общество ӗҫне хастар хутшӑннӑшӑн парне паратпӑр тесе суйнӑ, паспорт номерне, карточка реквизичӗсене ыйтнӑ. Ватӑ хӗрарӑм ыркӑмӑллӑх ӗҫӗнче тӑрӑшнӑ.

Кун хыҫҫӑн ултавҫӑсем ватӑскерӗн ячӗпе кредит илнӗ, 32 пин тенкӗ йӑкӑртнӑ. Халӗ ку тӗлӗшпе оперативлӑ шырав мероприятийӗсем ирттереҫҫӗ.

Асӑрханӑр: юлашки вӑхӑтра ҫакнашкал ултав анлӑ сарӑлма тытӑннӑ.

 

Республикӑра

Шупашкарта пурӑнакан Зинаида Захаровна Егорова ҫухалнӑ. 76 ҫулти кинемей хӑнана кайма тухнӑ, унтанпа ӑна никам та курман.

Хӗрӗ каланӑ тӑрӑх, вӑл килтен нарӑс уйӑхӗн 26-мӗшӗнче тухнӑ. Вӑл ялта пурӑнакан аппӑшӗ патне хӑнана каясси пирки пӗлтернӗ. Анчах кинемей яла ҫитмен. Тен, ӑна кам та пулин вокзалта курнӑ.

Ватӑ хӗрарӑм хӑш чухне ӑс-тӑн енчен арпашӑнма пултарать. Тӑванӗсем пуш уйӑхӗн 21-мӗшӗнче полицирен пулӑшу ыйтнӑ. Килтен тухса кайнӑ чухне Зинаида Захаровна хӗрлӗ калпак, хӗрлӗ кӑвак куртка, симӗс кроссовка, хура юбка тӑхӑннӑ пулнӑ.

Хыпар ҫӑлкуҫӗ: https://pg21.ru/news/48880
 

Республикӑра

Ака уйӑхӗн 1-мӗшӗнче Ҫӗрпӳ районӗнчи Кӑнар ялӗ ҫывӑхӗнчи свалка ҫунма тытӑннӑ. Паянхи кун та ӑна сӳнтермен-ха.

Унта пурӑнакан ҫынсем пӗлтернӗ тӑрӑх, таврара лайӑх мар шӑршӑ тӑрать. Свалка 100 тӑваткал метр ҫуннӑ, ҫавӑнпа ӑна сӳнтерме йывӑр.

«Свалка ҫунма тытӑннӑ кун хӗвеллӗччӗ. Тен, вӑл хӗвел пайӑрки лекнӗрен ҫунма тытӑннӑ. Унта халӗ бульдозер ӗҫлет, вӑл ҫунакан вырӑнсене тӑпрапа хуплать. Ҫулӑма пичкепе кӳрсе килнӗ шывпа та сӳнтереҫҫӗ», - тенӗ управляющи компанийӗн директорӗ Владислав Яковлев.

Ку лару-тӑрӑва ЧР Ҫутҫанталӑк министерстви тӗрӗслесех тӑрать.

Хыпар ҫӑлкуҫӗ: https://pg21.ru/news/48888
 

Республикӑра

Тӑвай районӗнче хӗрарӑм сӗт савутне ярса илме хӑтланнӑ. Кайран хайхискер унти ҫимӗҫсене вӑрланӑ.

Ҫак хӗрарӑм савут ҫуртне сӗт юр-варӗ туса кӑларакан организацие тара панӑ. Вӗсем ҫулталӑкне 200 пин тенкӗ тӳлесси пирки калаҫса татӑлнӑ. 2017 ҫулхи нарӑс пуҫламӑшӗнче хайхискер хака тӑрук хӑпартнӑ: уйӑхне 5 миллион тенкӗ ыйтнӑ. Тара илекен организацие ку, паллах, килӗшмен. Кун хыҫҫӑн хӗрарӑм ҫурта пушатма ыйтнӑ, хурал тӑратнӑ та савута никама та кӗртмен.

Унтан вӑл 20 арҫынна пухнӑ. Вӗсем 5 машинӑпа тата пӗр грузовикпе савута пырса кӗнӗ, чӑкӑтпа ҫу вӑрланӑ. Пӗтӗмпе – 3 миллион ытла тенкӗлӗх.

Хӗрарӑм тӗлӗшпе пуҫиле ӗҫ пуҫарнӑ. Куншӑн ӑна тӗрмене 10 ҫуллӑха ӑсатма, 1 миллион тенкӗ таран штраф тӳлеттерме пултарҫҫӗ.

Хыпар ҫӑлкуҫӗ: https://pg21.ru/news/48877
 

Республикӑра
ЧР Вӗренӳ министерствин сайтӗнчи сӑн ӳкерчӗк
ЧР Вӗренӳ министерствин сайтӗнчи сӑн ӳкерчӗк

Чӑваш Енри ултӑ шырав отрядне укҫа парса пулӑшӗҫ. Ку хушӑва республика Элтеперӗ Михаил Игнатьев алӑ пусса ҫирӗплетнӗ. Халӗ ун пирки республикӑн Вӗренӳ министерстви те хыпарлать.

Шырав отрячӗсенчен виҫҫӗшне 100-шер пин тенкӗ уйӑрма йышӑннӑ, тепӗр виҫҫӗшне — 75-шер.

Муркаш районӗнчи Мӑн Сӗнтӗрти вӑтам шкула — «Пропавших без вести возвращаем имена» (чӑв. Хыпарсӑр ҫухалнисен ячӗсене тавӑратпӑр), Комсомольски районӗнчи Ҫӗнӗ Мӑратри шкула «Здесь шли бои…» (чӑв. Кунта ҫапӑҫусем иртнӗ...), Ҫӗнӗ Шупашкарти химипе механика техникумне «Помнить – значит делать» (чӑв. Асра тытни — туни) проектсем валли 100-шер пин тенкӗ тивӗҫӗ.

И.Я. Яковлев ячӗллӗ Чӑваш патшалӑх педагогика университечӗн «Память» (чӑв. Астӑвӑм) шырав отрядне, «Студенческий Совет» (чӑв. Студентсен канашӗ) организацине, «Алые маки» (чӑв. Хӗрлӗ мӑкӑнь) шырав пӗрлешӗвне 75-шер пин тенкӗ лекӗ.

 

Республикӑра
Visualrian.ru сӑн ӳкерчӗкӗ
Visualrian.ru сӑн ӳкерчӗкӗ

Пуш уйӑхӗн 27-мӗшӗнче Пӗтӗм тӗнчери театр кунӗ пулчӗ те ҫавна май Раҫҫейӗн Пенси фончӗн республикӑри уйрӑмӗнче пенси илекен театр ӑстисен йышне шутласа кӑларнӑ.

«Театр тата театрпа курав организацийӗсен сцени ҫинче ӗҫлекенсене ватлӑхпа тӳлекен пенсие иртерех кӑлараҫҫӗ», — пӗлменнисене хыпарлать РФ Пенси фончӗн Чӑваш Енри уйрӑмен пресс-служби.

Пирӗн республикӑра ун пек категорие кӗрекенсем 164 ҫын иккен. Вӗсем пурте тенӗ пекех, 159-шӗ, Шупашкарта пурӑнаҫҫӗ.

Театрсенче ӗҫлекен артистсене вӗсен ӗҫне тата стажне кура 15-30 ҫултан пенси тӳлеме пуҫлаҫҫӗ.

Солист пулса балет артистӗнче 15 ҫултан кая мар тӑрӑшсан пенси тӳлеме пуҫлаҫҫӗ. Чӑваш Енре ун пеккисем — вунӑ ҫын. Вӗсенчен чи ҫамрӑкки — 37 ҫулта.

 

Республикӑра

2016 ҫулхи кӗркунне Комсомольски районӗнче пурӑнакан 50 ҫулти арҫыннӑн телефонӗ ҫине палламан номертен СМС-ҫыру килнӗ. Вӑл ӑна уҫса вуланӑ, кӗҫех картти ҫинчен 8 пин тенкӗ ҫухалнӑ.

Ҫырура сиенлӗ компьютер программи пулнӑ-мӗн. Арҫын укҫа ҫухални пирки полицие пӗлтернӗ. Уголовлӑ шырав управленийӗн ӗҫченӗсем ҫав ҫырӑва кам янине тупса палӑртнӑ. Вӑл – Сахалин облаҫӗнче пурӑнакан 27 ҫулти арҫын. Ӑна хӑйсен регионӗнче те сиенлӗ программӑсем сарнӑшӑн явап тыттарнӑ.

Ҫак арҫынна следстви изоляторне хупнӑ. Вӑл миҫе ҫыннӑн укҫине вӑрланине полицейскисем тӗпчӗҫ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...231
Orphus

Радио (25.04.2018)

11:10
 
Чăваш Наци радиовĕ 9 çулта (12+)
12:00
 
Хыпарсем (12+)
12:10
 
Чĕререн тухакан сăмахсем (12+)
13:00
 
Хыпарсем (12+)
13:10
 
Чĕререн тухакан сăмахсем (12+)
14:00
 
Новости (12+)
14:10
 
Чăваш Наци радиовĕ 9 çулта (12+)
15:00
 
Хыпарсем (12+)
15:10
 
Чăваш Наци радиовĕ 9 çулта (12+)
16:00
 
Новости (12+)
16:10
 
Чăваш Наци радиовĕ 9 çулта (12+)
17:00
 
Новости (12+)
17:10
 
Чăваш Наци радиовĕ 9 çулта (12+)
18:00
 
Хыпарсем (12+)
18:10
 
Чăваш Наци радиовĕ 9 çулта (12+)
19:00
 
Новости (12+)
19:10
 
Чăваш Наци радиовĕ 9 çулта (12+)
20:00
 
Хыпарсем (12+)
20:10
 
Каçхи микс (12+)
21:00
 
Новости (12+)
21:10
 
Каçхи микс (12+)
22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

4 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (25.04.2018 03:00) уяр ҫанталӑк, атмосфера пусӑмӗ 749 - 751 мм, -3 - -5 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнинче сирĕн шухăшсене пĕр тĕвве пухса пуçланă ĕçе вĕçне çитерме тивĕ. Çине тăни кирлĕ пулĕ. Туссем сире пачах сире кирлĕ мар сĕнÿсем парĕç. Вĕсене итлеме пулать паллах (тен, лайăх шухăш та илтеетĕр), анчах пурнăçа кĕртме кирлĕ мар. Улшăнусене кĕтме хатĕрленĕр.

Ака, 25

1848
170
Яковлев Иван Яковлевич, чӑваш халӑхне ҫутта кӑлараканӗ ҫуралнӑ.
1903
115
Алентей Григорий Тимофеевич, чӑваш сӑвӑҫи, ҫыравҫи ҫуралнӑ.
1925
93
Грибанов Владимир Иванович, сӑвӑҫ, тӑлмач, Чӑваш АССРӗн тава тивӗҫлӗ культура ӗҫченӗ ҫуралнӑ.
1950
68
Трифонова Валентина Ивановна, чӑваш актриси ҫуралнӑ.
1951
67
Лебедева Елена Алексеевна, чӑваш чӗлхин тӗпчевҫи ҫуралнӑ.
1961
57
Ларионов Николай Николаевич, чӑваш сӑвӑҫи, ҫыравҫи ҫуралнӑ.
1995
23
Малов Аркадий Васильевич, чӑваш сӑвӑҫи, тӑлмачӗ ҫут тӗнчерен уйрӑлса кайнӑ.
2009
9
Чӑваш наци радиовӗ пӗрремеш хут эфира тухнӑ.
Пулӑм хуш...Пулӑм хуш...

Ыйтӑм

Чӑваш Республикин тӗп хули:
Чӗмпӗр
Хусан
Канаш
Ҫӗрпӳ
Улатӑр
Шупашкар
Ҫӗмӗрле
Эпир Facebook-ра 1300+
 
 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org