Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Ӗҫ ҫӗклет, ӳркев ӳкерет.
[ваттисен сӑмахӗ]
 

Хыпарсем: пӑтӑрмахсем

Сывлӑх
t.me/gibdd121 сӑнӳкерчӗкӗ
t.me/gibdd121 сӑнӳкерчӗкӗ

Паян пирӗн республикӑра ҫул ҫинич инкекре виҫӗ ҫулти ача аманнӑ. Инкек Шупашкартан инҫех мар вырнаҫнӑ Карачура ялӗ тӗлӗнче пулса иртнӗ. Малтанласа палӑртнӑ тӑрӑх, пӑрӑннӑ чухне «Cherry» водителӗ «Лада Гранта» машинӑна ҫул паман.

Хамӑр ҫӗршывра туса кӑларнӑ автомбильте, хыҫалти ларкӑч ҫинче 3 ҫулти хӗрача пулнӑ. Вӑл сӑмсине амантнӑ. Ача, сӑмах май каласан, ятарлӑ ларкӑч ҫинче пулман.

Хыпар ҫӑлкуҫӗ: https://t.me/gibdd121/4164
 

Пӑтӑрмахсем
tavanen.ru сӑнӳкерчӗкӗ
tavanen.ru сӑнӳкерчӗкӗ

Кӳкеҫри ҫуртсенчен пӗринчен юр йӑтӑнса аннӑ та вӑл ҫутӑ пӑралукне татса пӑрахнӑ.

Пӑтӑрмаха пула район центрӗнчи темиҫе ҫурт ҫутӑсӑр юлнӑ. Ҫавсен шутӗнче — Шоссе урамӗнчи темиҫе объект: Шупашкар муниципаллӑ округӗн администрацийӗ, нумай ӗҫ тӑвакан центр (МФЦ), «Тӑван Ен» хаҫат вырнаҫнӑ ҫурт.

Муниципалитетӑн пӗрлехи диспетчер службинче ҫутта вӑрах тӑхтамасӑр пама шантарнӑ.

 

Пӑтӑрмахсем
«Лиза Алерт» шырав отрячӗн сӑнӳкерчӗкӗ
«Лиза Алерт» шырав отрячӗн сӑнӳкерчӗкӗ

Шупашкарта хӑлхи начар илтекен хӗрарӑм ҫухалнӑ. Ӑна «Лиза Алерт» шырав отрячӗ шырама тытӑннӑ.

35 ҫулти Наталья Игнатьева ӑҫтине ҫывӑх ҫыннисем нарӑс уйӑхӗн 27-мӗшӗнченпе пӗлмен.

Хӗрарӑм 176 сантиметр ҫӳллӗш, вӑтам пӳ-силлӗ, хӑмӑр куҫлӑ, ҫутӑ ҫырӑ тӗслӗ ҫӳҫлӗ. Хӑй хура курткӑпа, кӑвак джинс шӑлаварпа пулнӑ.

УҪӐМЛАТНИ

Шырав отрячӗн ушкӑнӗнче вырнаҫтарнӑ хыпар айӗнчи комментарисене ӗненсен, хӗрарӑм тупӑннӑ. Вӑл никампа та калаҫасшӑн мар. Хӗрӗ ӑҫтине амӑшне пӗлтернӗ имӗш.

Хыпар ҫӑлкуҫӗ: https://vk.com/wall-134917368_16212
 

Пӑтӑрмахсем
matraspanorama.ru сӑнӳкерчӗкӗ
matraspanorama.ru сӑнӳкерчӗкӗ

Елчӗк тӑрӑхӗнчи пӗр ялта пурӑнакан хӗрарӑм ашшӗпе килӗштерсех пурӑнман. Пӗлтӗрхи раштав уйӑхӗн 28-мӗшӗнче иккӗшӗ хирӗҫсе кайсан вӑл ӑна, 60 ҫулти арҫынна, пӗрре питӗнчен чышкӑпа ҫапнӑ, унтан пуҫне каяш витри тӑхӑнтартса лартнӑ.

37 ҫулти хӗрарӑм тӗлӗшпе пуҫиле ӗҫ пуҫарнӑ. Ӑна унччен те ашшӗне хӗненӗшӗн айӑпланӑ. Ҫавӑнпа хальхинче ӑна РФ Пуҫиле кодексӗн 1116-мӗш статйин 1-мӗш пайӗпе явап тыттарма йышӑннӑ. Ӗҫе судра пӑхса тухӗҫ.

 

Пӑтӑрмахсем
ҪҪХПИ тунӑ сӑн
ҪҪХПИ тунӑ сӑн

Паян Вӑрнар муниципаллӑ округӗнче авари пулнӑ. Шел те, унта ҫыннӑн пурнӑҫӗ татӑлнӑ.

Авари Нурӑспа Кӳлхӗрри ялӗсен хушшинче пулнӑ. Малтанлӑха пӗлтернӗ тӑрӑх, 2000 ҫулта ҫуралнӑ водитель «Газельпе» хирӗҫ ҫул ҫине тухса кайнӑ та «Фиат» автомобильпе ҫапӑннӑ. «Газель» водителӗ суранӗсене пула вырӑнтах вилнӗ. «Фиат» водительне пульницӑна илсе кайнӑ.

Хыпар ҫӑлкуҫӗ: https://t.me/gibdd121
 

Пӑтӑрмахсем
21.mchs.gov.ru сӑнӳкерчӗкӗ
21.mchs.gov.ru сӑнӳкерчӗкӗ

Шупашкар хулинче гаражри машина хыпса илнӗ.

Ӗнер, нарӑс уйӑхӗн 29-мӗшӗнче, Шупашкарти «Кӑкшӑм-2» гараж кооперативӗнче «Renault Sandero» автомбиль хыпса илнӗ. 2011 ҫулта туса кӑларнӑ машинӑна унӑн хуҫипе тусӗ гараж боксӗнчне тӗксе кӑларма ӗлкӗрнӗ. Инкек вырӑнне пырса ҫитнӗ пушарпа кӗрешекенсем ҫулӑма виҫӗ минутра сӳнтернӗ.

Пушар вӑхӑтӗнче машинӑн пӗр пайӗ сиенленнӗ.

Чӑваш Енри Инкеклӗ ӗҫсен министерстви пӗлтернӗ тӑрӑх, ҫулталӑк пуҫланнӑранпа 16 автопушар пулнӑ.

 

Пӑтӑрмахсем
ru.freepik.com сӑнӳкерчӗкӗ
ru.freepik.com сӑнӳкерчӗкӗ

Шупашкарта пурӑнакан ҫамрӑк хӗрарӑм пӗчӗк ачапа декрет канӑвӗнче пулнӑ чух кӑштах укҫа ӗҫлесе илес тенӗ. Мессенджерсенчен пӗринче пӗлтерӳ курсан ӗҫлеме хирӗҫ маррине пӗлтернӗ.

Таблицӑсемпе презентацисем хатӗрлеме саккас илес тесен хӗрарӑма банкра счёт уҫма сӗннӗ. Унта 60 пин тенкӗ укҫа хумалла тенӗ. Ӗҫ сӗнсе шӑнкӑравлани каланине итлесе хӗрарӑм телефона экран курӑнмалли программа вырнаҫтарнӑ. Ҫав вӑхӑтра ун патне бакран код килнӗ. Ҫав кодпа усӑ курса ултавҫӑсем ҫамрӑк амӑшӗн укҫине вӑрланӑ та.

 

Пӑтӑрмахсем
t.me/chuv_prok сӑнӳкерчӗкӗ
t.me/chuv_prok сӑнӳкерчӗкӗ

Вӑрнар муниципаллӑ округӗнче пурӑнакан пӗр хӗрарӑм упӑшки ӗҫнипе аптӑрасах ҫитнӗ. Тата вӑл, мӑнтарӑн, хӑйне такам пӑсса панӑ тесе шухӑшласа пурӑннӑ. Кун пек пӑтӑрмахран юмӑҫ хӑтарасса шаннӑ.

Ҫынсене туххӑмрах пулӑшма шантаракан пӗлтерӗве курсан хӗрарӑм хавхаланса кайнӑ. Вӑт ку ҫӑлӑнӑҫ! Пули-пулми ҫынна укҫа кӑларса тыттар та телейлӗ пурӑнма тытӑн!

Самар тӑрӑхӗнчи 24 ҫулти хӗре ӗненсе чӑваш хӗрарӑмӗ 365 пин тенкӗ куҫарса панӑ. Анчах пурнӑҫӗ ырӑ енне пӗрех улшӑнман. Ҫавӑн хыҫҫӑн Вӑрнар тӑрӑхӗнчи хӗрарӑм йӗрке хуралҫисенчен пулӑшу ыйтнӑ. Юмӑҫ тесе укҫаллӑ пулнӑ хӗр укҫана тавӑрса панӑ, анчах ҫынна улталанӑшӑн ун тӗлӗшпе пӗрех пуҫиле ӗҫ пуҫарнӑ.

Хыпар ҫӑлкуҫӗ: https://t.me/chuv_prok/3506
 

Пӑтӑрмахсем

Шупашкар муниципаллӑ округӗнчи Етӗрнекасси патӗнич пӗве патӗнче пӗр ушкӑн канма пуҫтарӑннӑ. Вӗсем патне нимӗҫ овчаркиллӗ хӗрарӑм пынӑ. Вӗсен калаҫу сыпӑнман — хӗрарӑм йытта ушкӑн ҫине вӗслетсе янӑ. Йытӑ хӗрарӑмсенчен пӗрне ҫыртнӑ, шар курнине тухтӑр пулӑшӑвӗ кирлӗ пулса тухнӑ.

Йытӑ хуҫине йӗрке хуралҫисем палӑртнӑ. Вӑл 56 ҫулти вырӑнти ял ҫынни пулнӑ. Хӗрарӑм тӗлӗшпе пуҫиле икӗ ӗҫ пуҫарнӑ.

Чӑваш Енӗн Шалти ӗҫсен министерствинче пӗлтернӗ тӑрӑх пуҫиле ӗҫсене малалла тӗпчеҫҫӗ.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Паяр ирхине, 5 сехет ҫурӑра, Шупашкарти Мир проспектӗнчи 72-мӗш ҫуртра пушар пулнӑ. Инкеклӗ лару-тӑру министерстви пӗлтернӗ тӑрӑх, нумай хваттерлӗ ҫуртран 72 ҫынна урама кӑларнӑ. Ҫав шутра икӗ ача пулнӑ.

Ҫӑлавҫӑсем пушара 40 минутран сӳнтернӗ. Халӗ специалистсем ҫулӑм мӗнрен тухнине тӗпчеҫҫӗ.

Хыпар ҫӑлкуҫӗ: https://t.me/mchs_chuvashia
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 381
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
кил-йышри арҫын
хӑни ҫулне ахаль те пӗлет, ӑсатмасӑр та
хуҫа тарҫи
хуть те кам тухсан та
хӑнана ӑсатма никам та тухмасть
пӗтӗм кил-йышпа тухаҫҫӗ
хуҫа хӑй
хуҫин ҫитӗннӗ ачисем
хуҫа арӑмӗ