: Пурин перле пулашмалла.

03.04.2010 15:527071 хут пӑхнӑ

Канашлури "Укҫа пуҫтаратпӑр"статья кашни чӑваш чунлӑ этеме пырса тивме кирлӗ. Николай Плотников бизнесменсем патне кайса калаҫасшӑн. Эпӗ те темиҫе бизнесменпа калаҫса пӑхрӑм . Шкул ачисен хайлавӗсен пуххине шкулӑн 165 ҫулхи юбилейне парнелес тесе.Пӗри те пулӑшма кӑмӑл тумарӗ. Хам вӑйпах "Тӗлӗнтермӗш юмахсем" кӗнеке кӑлартӑм. Район пуҫлӑхӗ тӑрӑшса ӗҫленӗшӗн 5 пин преми панӑччӗ,вырӑнти икӗ ҫын кӑштах пулӑшрӗҫ, тепӗр 5 пин пенси укҫинчен хушрӑм. Сывлӑх чипер пулсассӑн тепӗр кӗнеке те пичетлесшӗн-ха.
Культура министерствин те пулӑшмалла, хӑйшӗн тӑрӑшмасть вӗт вӑл.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (11)]

Комментари:

Александр // 3395.51.7070 2010.04.03 20:17
	Туссем, пирĕн фонд тумалла, çав фонда пĕр комитет йĕртсе пымалла. Çав фонд проекчесене пăхса илмелле вара чи кирлисе суйламалла! Çав фонд çинчен тата ун проектсем çинчен нумай çын пĕлмелле. Эпĕ çапла шутлатăп
Галина Зотова // 3696.37.3695 2010.04.04 07:58
	Çĕр çинче ырă кăмăллă çынсем пур.Пурте укçашăн кăна талпăнмаççĕ.Мана Наумов Леонид Александрович пулăшрĕ,вăл калăплама пĕлет.Ун патĕнче виçĕ кĕнеке кăлартăм.Иккĕ чăвашлине, тепре акăлчанла методика сборникĕ.Вырăс, анчах та Чăваш халăх сайтне хутшăнакансенчен хăшĕ те пулин чăваш грамматикине лайăх пĕлекен тупăнать пулĕ-ха.Халĕ вăл ĕçлет е çук, калама пултараймастăп.
Галина Зотова // 3528.46.6609 2010.05.04 20:32
	Шутласа тĕлĕнсе ларатăп-ха.Ача-пăча фондне валли укçа пухмалла, ветерансем валли укçа пухмалла,шкула пулăшмалла, пирĕнтен никам та ыйтмасть, список тăваççĕ те укçана зарплатăран тытса кăна юлаççĕ. Тен, сирĕн те çав мелпех усă курмалла? Произведени авторĕсем те кăштах пулăшччĕр. Раççей конкурсĕсене хутшăнма кашни участникран 200 е унран та ытларах укçа тÿлетпĕр-çке. Чăваш яланах хытă пулнă.Пуян çын кашни пусне шутлать. Чăваш наци конгресĕ те пур, мĕншĕн вăл пулăшмасть?
Аçтахар Плотников // 1182.36.5208 2010.05.04 21:02
	Кам пулăшас тет — пулăшĕ. Тархасласа ыйтас теместĕп. Конкурссемшĕн укçа пухни те ман шутпа вырăнсăр. Укçасăррисен мĕн тумалла вара?
Галина Зотова // 3764.30.0984 2010.05.05 19:59
	Укçасăррисем хутшăнмаççĕ. "Британский бульдог"та, "Чĕвĕлти чĕкеç" те - пур конкурс та укçалла. Конкурса ачасене хутшăнтармалла - учителĕн укçа пуçтармалла. Пуçтармалла кăна мар,ĕçне Шупашкара хăвăн кайса илмелле.Унталла -кунталла 500 тенкĕ юхса тухать.Ĕçне пурнăçланă хыççăн каллех Шупашкара каймалла.Кашни учитель хăй чупать.Каяймарăн - сăмах тĕкĕнет.
Аçтахар Плотников // 1182.36.5208 2010.05.05 20:20
	Çавăнпа та эпĕ ăмăртусене тӳлевсĕр ирттеретĕп — сирĕн, вĕрентекенсен, унсăр та укçа тăкаклама тивет. Эп луччă парнесем лайăхрах хатĕрлетĕп. :)
Галина Зотова // 3100-2341 2010.11.26 21:41
	Паян ачасемпе кĕнеке презентацине хутшăнтăмăр.Уявран савăк кăмăлпа таврăнтăмăр.Çеçпĕл Мишши ячĕллĕ библиотека хуçисене тав сăмахĕ калас килет.Уяв унта иртрĕ. Халăх нумай пуçтарăннă.Уява та лайăх йĕркеленĕ. Николай Алексеевич Плотниковпа унăн юлташĕсем пирĕн хайлавсене пичетлсе кĕнеке кăларма вăй-хăват тупма пултарнăшăн чунтан тав тăватпăр.
Галина Зотова // 2301.51.6896 2011.04.12 22:10
	Николай ачасен хайлавĕсене пухса тепĕр кĕнеке кăларма шантарать. Тен, авторсен хăйсен те ăна укçан пулăшма майсем тупмалла?
Тимĕрке Митяй // 3125.60.8464 2011.04.13 06:24
	Питĕ инçе пурăнатăп, çавăнпа эпĕ укçапа кăна пулăшма пултаратăп.
Галина Зотова // 2229.75.7896 2011.04.28 07:30
	Пулăшакансем тупăнкалаççĕ-? Пулас кĕнеке авторĕсем! сире валли кĕнеке кăларать Николай Плотников, хăйне валли мар.Кашни кăштах пулăшсан та ăна çăмăлрах пулать. Вăл та миллионер мар.