Сайта кӗр | Регистраци | Сайта кӗрсен унпа туллин усӑ курма пулӗ
 -5.0 °C
Вӑррӑн пуҫ тӳпинчен пӑс тухать.
[ваттисен сӑмахӗ]
 

Софья Савнеш: Ӗҫлекен ҫын выҫӑ вилмест

Софья Савнеш19.02.2017 21:59323 хут пӑхнӑ

«Яла кайса пурӑнмалла», — терӗ Саша тусӑм. «Мӗншӗн капла калатӑн?» — кӑсӑклантӑм эпӗ. «Унта ирӗклӗрех, мӗн ӗҫлес килет — ҫавна тӑватӑн, хӑв пӗлнӗ пек укҫа ӗҫлесе илетӗн», — ӑнлантарчӗ тусӑм. Пӗлетӗп: ҫемйине тӑрантарма, ачисене тумлантарма укҫа ҫитсе пыманни мӑй таран тӑвӑнтарнӑ ӑна. Пушар хуралӗнче ӗҫлет вӑл. Юлашки икӗ ҫулта ӗҫ укҫине самаях чакарни пирки, 13-мӗш шалу тӳлеменни ҫинчен каланӑччӗ-ха. Халь ак каллех шалӑвӑн пӗр пайне катасси пирки сас-хура тухнӑ-мӗн. Капла мӗнле пурӑнмалла? Саша та ӗнсе хыҫне кӑчӑрт-кӑчӑрт хыҫать. Тӗнчери кризис хуҫаланни ахаль ҫыннӑн кӗсйине те пырса тивет ҫав.

Саша ҫемйипех яла куҫса каясшӑн. «Тен, ыхра лартмалла? Е севок сухан ҫитӗнтермелле?» — ҫӗр тӗрлӗ шухӑш Сашӑн. Вӑкӑрсем самӑртса тупӑш тӑвас шухӑш та пур унӑн. Паллах, пулать. Тӑрӑшсан темӗнле хуҫалӑх та йӗркелеме май пур. Халӗ пуҫаруллисене грант параҫҫӗ. Нумаях мар пулин те — ҫавах пулӑшу. Унпа техника е ытти хатӗр-хӗтӗр туянма пулать. Анчах ведомство отчетсемпе халтан янине хресчен фермер хуҫалӑхне тытса пыракансенчен пӗрре мар илтнӗ.

«Кӗҫех ҫынсем ялалла туртӑнма пуҫлӗҫ, мӗншӗн тесен хулара укҫа-тенкӗ ҫитерсе пыма йывӑр», — ҫапла хушса хучӗ Саша. Тем пекехчӗ! Ара, юлашки ҫулсенче ялсем пушанса пыраҫҫӗ вӗт. Хӑш-пӗр яла пырса кӗретӗн те — шӑкӑрин тенӗ пекех пушӑ ҫуртсем лараҫҫӗ. Ялсем ҫӗнӗрен чӗрӗлме пуҫласан савӑнӑттӑм кӑна.

Кашни тӑрӑшуллӑ ҫемьех ялта пысӑк хуҫалӑх йӗркелеме пултарать. Тархасшӑн — выльӑх-чӗрлӗх усра, пахча ҫимӗҫ лартса ӳстер. Кун пек кӗсьене мӗнле тупӑш кӗресси йӑлтах хамӑртан — мӗнле ӗҫленинчен — килет. «Укҫа ҫук», — тесе лармалла мар, ӳркенмесӗр ӗҫлемелле. Ӗҫлекен выҫӑ вилместех.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (29.03.2017)

21:10
 
Юрă вăчăри (12+)
22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: ЭЛ № ФС 77 - 68592.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org