Сайта кӗр | Регистраци | Сайта кӗрсен унпа туллин усӑ курма пулӗ
 +1.0 °C
Пушӑ пучах каҫӑр пулать.
[ваттисен сӑмахӗ]
 

Софья Савнеш: Фармацевт ӳсӗр ҫынна спирт настойкине мӗнле совеҫпе сутать-ши?

Софья Савнеш15.01.2017 13:26565 хут пӑхнӑ

«Фанфурик» ыйтӑвӗ юлашки вӑхӑтра ҫивӗчленчӗ. Халӗ ӑна РФ премьер-министрӗ Дмитрий Медведев хушнипе 30 кунлӑха сутма чарнӑ. Анчах ку ӗҫкӗҫсен йышне чакарма пулӑшӗ-и?

«Фанфурика» унччен те хӑш-пӗр аптека сутмастчӗ. Терисем вара пӗчӗк кӗленчесене сутса тупӑш тӑватчӗҫ. Вокзал ҫывӑхӗнче аптека нумай. Ҫавсенчен пӗринче «фанфурик» сутнине хам та курнӑччӗ. Ирхине пулчӗ ку. Аптекӑна эмел илме кӗтӗм. Шалалла иртсенех сӑмсана эрех, мухмӑр шӑрши ҫапрӗ. Ман умӗн пӗр арҫын, мухӑрласкер, кӗрсе кайрӗ те черете тӑчӗ. Хайхискер сутуҫа темиҫе тенкӗ тӑсса пачӗ, лешӗ пӗр сӑмах та каламарӗ – пӗчӗк кӗленче туртса кӑларчӗ те арҫынна вӑрттӑн тыттарчӗ. Лешӗ вара, аран утаканскер, ӑна хул хушшине хӗстерсе тухса кайрӗ. Унашкал тӗслӗхе ҫав аптекӑра тата курма тӳр килчӗ. Унта сутуҫӑпа ӗҫкӗҫсем пӗр-пӗрне сӑмахсӑрах ӑнланаҫҫӗ. Эппин, спирт настойкине туянма ҫав ҫынсемех пыраҫҫӗ.

Паллах, спирт кирлӗ. Укол тумалла чухне, тӗслӗхрен. Пӗррехинче аптекӑра ыйтрӑм – памарӗҫ. Укол тунӑ чухне мӗнпе усӑ курмалла вара? Тепӗр аптекӑра вара ҫӑмӑллӑнах кӑларса пачӗҫ. Фармацевт умне ӳсӗр е мухмӑрла арҫын, хӗрарӑм пырса тӑрсан вӗсем спирт настойкине мӗнле совеҫпе кӑларса тыттараҫҫӗ-ши? Вӗсем ӑна сипленме мар, ӗҫме илнине курсах тӑраҫҫӗ-ҫке-ха. Нимӗн те каламастӑп, халӗ аптекӑсен конкуренци пысӑк. Кашни утӑмра тенӗ пекех вӗсем ҫумӑр хыҫҫӑнхи кӑмпа пек ӳссе ларнӑ. Анчах ӗҫкӗҫсене спирт настойки сутнипе пуяйӑн-и? Халӑх аптекӑна сывлас, сывлӑхне ҫирӗплетес тӗллевпе утать-ҫке-ха. Вӗсем вара ҫынна пӗтересшӗн.

Спирт настойки тенӗрен. Пирӗн ялти райпо лавккинче «Тройной» одеколон сутаҫҫӗ. Чӑннипе каласан, ӗлӗкхи ҫав шӗвекпе халӗ тӗллевлӗн усӑ куракан та ҫук пуль. Кам сӗртӗр-ха ҫав шӑршлӑскере? Халӗ чаплисем нумай вӗт. Ӑна ялти лавккара мӗнле тӗллевпе сутнине каламасӑрах паллӑ. Йӳнӗ вӑл. Ӗҫке путнӑ, кирек мӗнле шӗвеке те ӑша яма хатӗр ҫынсем туянаҫҫӗ ӑна. Кайран пушӑ кӗленчесем урам варринче йӑваланса выртаҫҫӗ. Ырри патне илсе ҫитерместех ку.

«Фанфурик» ыйтӑвне Раҫҫей шайӗнче татса памалла. Иркутск облаҫӗнче ҫынсем спирт настойки ӗҫсе вилнӗ хыҫҫӑн ӑна вӑхӑтлӑха сутма чарчӗҫ. Анчах кӗҫех 30 кун иртӗ. Кун хыҫҫӑн каллех «фанфурик» сутма пуҫлӗҫ ахӑртнех. Ӑна ӗҫсе пурнӑҫран уйрӑлнӑ ҫынсене, вӗсен ҫемйи шар курнине манӗҫ-ши вара?

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (24.04.2017)

02:20
 
Шурăмпуç (12+)
03:20
 
Кулăш лаççи (12+)
04:20
 
По зову памяти (12+)
05:20
 
Çĕр сум (12+)
06:00
 
Ирхи кăмăл (12+)
07:00
 
Ирхи кăмăл (12+)
08:00
 
Ирхи кăмăл (12+)
09:20
 
Пурнăç çынни (12+)
10:00
 
Хыпарсем (12+)
10:10
 
Пĕччен мар (12+)
11:00
 
Новости (12+)
11:20
 
Радиоазбука (0+)
12:00
 
Хыпарсем (12+)
12:10
 
Чĕререн тухакан сăмахсем (12+)
13:00
 
Хыпарсем (12+)
13:10
 
Пĕтĕм чăваш диктанчĕ (12+)
14:00
 
Новости (12+)
14:20
 
Экстренный час (16+)
15:00
 
Хыпарсем (12+)
15:20
 
Приключения тети Моти и Софии Прекрасной (0+)
16:00
 
Новости (12+)
16:20
 
Ачалăх урхамахĕ (6+)
17:00
 
Новости (12+)
17:20
 
Çемье ăшши (12+)
18:00
 
Хыпарсем (12+)
18:20
 
Ĕçне кура-хисепĕ (12+)
19:00
 
Новости (12+)
19:10
 
Тĕплĕ калаçу (12+)
20:00
 
Хыпарсем (12+)
20:20
 
По зову памяти (12+)
21:00
 
Новости (12+)
21:20
 
Республика сасси (12+)
22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org