Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Пуриншӗн те пӗр хӗвел.
[ваттисен сӑмахӗ]
 

Таисия Ташней: Аптӑра ҫара хӗрсемпе аптӑратмаллипех аптӑратнӑ

Таисия Ташней21.11.2016 14:586811 хут пӑхнӑ

Чӳк уйӑхӗн 17-мӗшӗнче Шупашкарти ӳнер театрӗнче «APTARA-fest» фестиваль иртрӗ. APTӐRA-festа пыракансене живопись те, авангардла поэзи те, наци чӗлхиллӗ хальхи юрӑсем те, дизайн-маркет та, фуд-корт та, наци сӗмӗллӗ хулари тумтир те тӗлӗнтерме шантарнӑччӗ мероприяти йӗркелӳҫисем.

Чӑн та, пурте тӗлӗнтернӗ. Ҫӑвара пуринчен ытла карса пӑрахтарни — фестивальти ҫара пикесем. Ҫакна халӗ Фейсбукра хытах сӳтсе яваҫҫӗ. Ҫара пикисем ҫарах та мар темелле: вӗсене сӑрласа пӗтернӗ. Мӗнле май килнӗ пек мар, шухӑшласа виҫсех. Чӑваш тӗррипе капӑрлатнӑ хайхисене.

Те ҫыннисем кая юлса аталанса пыраҫҫӗ-и, те аптӑратас тесе ытлашшипех аптӑратнӑ-ши: анчах ҫара ӳтлӗ пикене чӑваш тӗррипе сӑрмакланине ырласа йышӑннине хальлӗхе асӑрхамарӑм.

Фейсбукрисенчен пӗри, Юрий Федоров, ку фестивале ҫапларах хакланӑ: «Эпӗ тӗлӗнмеллипех тӗлӗнтӗм», — сӑмаха вӑл жаргонпа усӑ курса вырӑсла каланӑ. Унӑн пӗлтерӗшне чакарас мар тесе цитатӑнах илсе кӑтартам: «Я прифигел». Унтан вӑл ҫапларах ҫырать: «Сцена ҫинчи ҫара кӑкӑр — пирӗн тренд иккен. Эпӗ кӑкӑра ырлатӑп. Анчах сцена ҫинче мар... Ку вӑл чӑваш хӗрӗпе те, тутар хӗрӗпе те килӗшсе тӑмасть. Вӗсене халиччен ҫӑмӑлттайлӑх енчен хурламанччӗ...».

Юрий Федоровпа килӗшекенсем татах пур. Ҫара хӗр ҫине чӑваш орнаменчӗ ӳкернине Юрий Осокин ҫапла хӗр арҫынсемшӗн шӑл ҫемми тенине кӑтартасшӑн пулман-ши евӗр ҫавӑрттарса хунӑ. Чӑваш тӗрри сӑрланипех сцена ҫине тухма килӗшнӗ ҫара пикене Константин Ишутов блогер кӳрентермелле сӑмахпах хакланӑ. Унтан вӑл Юрий Федоров «чӑваш культурин йӳтӗмӗпе ҫакна халӑха сӗнеҫҫӗ» тенипе килӗшнине пӗлтерет.

...Эпӗ те аптӑрарӑм. Ним калама та пӗлмерӗм. Фестивальте тутарсемпе чӑвашсене унчченхилле курман пек кӑтартма шантарчӗҫ те, сӑмаха тытрӗҫ темелле-ши? Хитре хӗрарӑма, енчен вӑл ҫара пулсан пӑхма пушшех кӑмӑллӑ та, ҫавна шута илнӗ-ши? Тен, кун пек хӑть чӑваш тӗррипе кӑсӑкланӗҫ тенӗ пулсан, ытлашши айӑп тӑвар мар.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем