Сайта кӗр | Регистраци | Сайта кӗрсен унпа туллин усӑ курма пулӗ
 +1.0 °C
Шӗшкӗ авмасӑр мӑйӑр татаймӑн.
[ваттисен сӑмахӗ]
 

Софья Савнеш: Лӑпӑр-лапӑр сарнӑ ҫул ҫурхи шывпа юхса каймӗ-ши?

Софья Савнеш13.11.2016 17:49734 хут пӑхнӑ

Шупашкарти ҫул-йӗр ӗҫченӗсем ҫӗршывӗпех «чапа» тухрӗҫ. База проездӗнче асфальт сарнине Пӗрремӗш каналпа хыпарсен кӑларӑмӗнче кӑтартни, ахӑртнех, подряд организацийӗшӗн те, чиновниксемшӗн те кӗтменлӗх пулчӗ. «Гарант» компани ӗҫченӗсем асфальта пӑрлӑ ҫумӑр вӑхӑтӗнче сарнине пурте курчӗҫ пулӗ.

Тен, ҫул-йӗр ӗҫченӗсем ҫула ҫавӑн пек условисенче сарнине курмӑш туса ирттерсе ярӗччӗҫ. Анчах Пӗрремӗш каналти сюжет пурне те ура ҫине тӑратрӗ. Массӑллӑ информаци хатӗрӗсене «тӑваттӑмӗш влаҫ» тесе ахальтен каламаҫҫӗ ҫав. Сюжет хыҫҫӑн Шупашкар хула администрацийӗ, чиновниксем канӑҫне ҫухатрӗҫ-тӗр. Чӳк уйӑхӗн 11-мӗшӗнче ЖКХ сайтӗнче пресс-релиз тупӑннӑ. Унта Шупашкарти автомобилистсем ку пулӑм тӗлӗшпе кӑмӑлсӑрланнине палӑртнӑ, ҫавӑнпа Шупашкар ертӳлӗхӗ подряд организацийӗ тӗлӗшпе кӑмӑлсӑрланнӑ-мӗн.

«Ӗҫсене ҫумӑр ҫунӑ вӑхӑтра ирттернӗ, эппин, ку технологие пӑсни шутланать. Ку ӗҫе подряд организацийӗнчен йышӑнмӗҫ, укҫа тӳлемӗҫ. Шупашкар ертӳлӗхӗ акӑ мӗн йышӑннӑ: ҫав ҫул ҫинчи шӑтӑк-путӑка подряд организацийӗ лайӑх ҫанталӑкра юсӗ, йӑлтах хӑйӗн укҫипе пурнӑҫлӗ», — пӗлтернӗ ведомство пуҫлӑхӗ Олег Белов.

Чӑнах та, Пӗрремӗш канал «Ютубри» видеона хыпарсен кӑларӑмӗнче кӑтартман пулсан, ҫула пӑрлӑ ҫумӑр вӑхӑтӗнче юсанине асӑрхамасӑрах юлӗччӗҫ. Пирӗн ҫапла – курмӑш тума хӑнӑхнӑ. Ара, ҫула юр е ҫумӑр ҫунӑ вӑхӑтра сарни – сайра тӗслӗх мар вӗт. Палӑртнӑ вӑхӑтра ӗҫе вӗҫлес тесе подряд организацийӗсем нимӗнле ҫанталӑка та пӑхмаҫҫӗ.

Хамӑр ялах илем. Кӑҫал тинех ҫул сарса пӗтерчӗҫ (ӑна пӗлтӗрех пуҫланӑччӗ, ҫав ҫулах вӗҫлеме шантарӑччӗ). Ҫулла пӗр хускану та пулмарӗ. Ҫанталӑк кӗр енне сулӑнсан пуҫларӗҫ тапаҫланма. Ахӑртнех, чӳк уйӑхӗнчех юр ҫӑвасси пирки вӗсем шухӑшламан. Асфальта сарса пӗтерчӗҫ-ха. Анчах унӑн ҫирӗплӗхӗ – тепӗр ыйту. Тепӗр эрнерен яла килсен тӗлӗнсех кайрӑм – хытӑ сийлӗ ҫул арканма пуҫланӑ! Унта та кунта вак чулсем ҫиеле тухнӑ. Халех ҫапла пулсан ҫитес ҫул мӗн пулӗ? Ҫурхи шывпах юхса каймӗ-ши? Нивушлӗ ҫав ҫула подряд организацийӗнчен йышӑнӗҫ? Ҫак кунсенче тротуар сарса пӗтерме шухӑшланӑ пулмалла. Каҫхине сӑмала тиенӗ машина килчӗ. Тӗттӗмленчӗ. Ҫул ӗҫченӗсем – тӑваттӑн ҫеҫ, ӗлкӗреймеҫҫӗ. Ял тӑрӑхӗн пуҫлӑхӗ ялти ҫынсене чӗнсе тухрӗ. Ку юрӗ-ха, тем мар, ӗҫлесен ҫын вилмест. Анчах юр лаплаттарса ҫуни вӗсемшӗн нимӗнле чӑрмав та кӳмерӗ – тротуара сарса пӗтерчӗҫ. Ӗҫе лӑпӑр-лапӑр туниех вӗт-ха ку. Малашне чӑтӗ-и вӑл, ҫирӗп пулӗ-и – никама та пӑшӑрхантармасть. Вӗсемшӗн пулсан… Ӗҫе тунӑ та алӑ сулнӑ.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (25.03.2017)

00:00
 
Музыкальный экспресс (12+)
06:00
 
Юрă вăчăри (12+)
06:20
 
Литература çÿпçинчен (12+)
06:40
 
Республика сасси (12+)
07:00
 
Юрă вăчăри (12+)
07:20
 
Çĕр сум (12+)
08:00
 
Юрă вăчăри (12+)
08:20
 
Голос Республики (12+)
09:00
 
Юрă вăчăри (12+)
09:20
 
Возрождение (12+)
10:00
 
Юрă вăчăри (12+)
10:05
 
Приключения тети Моти и Софии Прекрасной (0+)
10:20
 
Символ веры (12+)
11:00
 
Юрă вăчăри (12+)
11:20
 
Ачалăх урхамахĕ (6+)
12:00
 
Новости (12+)
12:10
 
Чĕререн тухакан сăмахсем (12+)
13:00
 
Новости (12+)
13:10
 
Чĕререн тухакан сăмахсем (12+)
14:00
 
Чĕререн тухакан сăмахсем (12+)
15:00
 
Юрă вăчăри (12+)
15:40
 
Путь к здоровью (12+)
16:00
 
Новости (12+)
16:10
 
Юрă вăчăри (12+)
16:20
 
Чунра юрă шăрансан (12+)
17:00
 
Юрă вăчăри (12+)
17:20
 
Шурăмпуç (12+)
18:00
 
Юрă вăчăри (12+)
18:20
 
Окно в природу (12+)
19:00
 
Новости (12+)
19:10
 
Кĕрекене пуçтарăнсан (12+)
19:20
 
Уйăхпи юмахĕсем (0+)
20:00
 
Каçхи микс (12+)
21:00
 
Каçхи микс (12+)
22:00
 
Юрă вăчăри (12+)
23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: ЭЛ № ФС 77 - 68592.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org