Сайта кӗр | Регистраци | Сайта кӗрсен унпа туллин усӑ курма пулӗ
 0.0 °C
Чӑн сӑмахӑн суйи ҫук.
[ваттисен сӑмахӗ]
 

Таисия Ташней: Этем пурнӑҫӗ мӗн хак тӑрать?

Таисия Ташней18.10.2016 16:55815 хут пӑхнӑ

Васкакан вакка сикнӗ тенӗ ваттисем. Шӑп та лӑп икӗ ҫул каялла пулса иртнӗ ҫак инкекпе ҫыхӑннисем ку сӑмаха унтанпа ҫитмӗл те ҫичӗ хутчен аса илчӗҫ пуль. Анчах чавса ҫывӑх та ҫыртма ҫук.

2014 ҫулхи авӑн уйӑхӗн 8-мӗшӗнче 18 сехет те 40 минутра Шупашкарти «Мега Молл» суту-илӳ центрӗ патӗнче пулса иртнӗ ку инкек. «Ауди 80» машинӑна тытса пыракан аллӑ урлӑ каҫнӑ водитель пӑрӑнма юраман йӗр ҫинчех сулахаялла ҫаврӑннӑ. Анчах каҫса кайса пӗтеймен — автомобиле мотоциклист пырса ҫапӑннӑ. Байкер транспорта чарма пӑхнӑ-ха, хӑвӑртлӑхпа пынӑ мотоцикл ҫаврӑнса ӳксен 150 метра яхӑн шуса пырса машинӑна пырса тӑрӑннӑ. Мотоцикла тытса пынӑ 18-ти каччӑ вырӑнтах вилнӗ, унпа ларса пынӑ 17-ри хӗр пульницӑра куҫне хупнӑ.

Ҫул-йӗр правилине пӑснине пула асӑрханмасӑр икӗ ҫынна вӗлернӗ «Ауди» водительне кӑҫалхи кӑрлачра суд тенкелӗ ҫине лартнӑ. Арҫынна 3 ҫул та 6 уйӑхлӑха колони-поселение ямалла тунӑ. Унсӑр пуҫне водитель правине 3 ҫуллӑха туртса илнӗ. Кӑмӑл-сипет тӗлӗшӗнчен сиен кӳнӗ тесе шар курнӑ амӑшӗсене — каччӑнне тата хӗрӗнне — 500-шер пин тенкӗ тӳлеттермелле тунӑ.

Этеме укҫалла чӗртсе тӑратаймӑн та, анчах Шупашкарта пурӑнакан И.-сен ҫемйи 17-ре ӗмӗрлӗхе куҫ пикешӗн айӑплинчен укҫа шыраса илессишӗн суд тӑрӑх ҫӳреме пӑрахманнине ҫынсем тӗрлӗрен йышӑнаҫҫӗ. Мотоциклистпа ларса пынӑ 17-ри хӗр ҫемьере пӗртен пӗр ача пулнӑ. Ҫавӑнпа та суранӑмӑр пушшех те тарӑн тесе пикен ашшӗ «Ауди» машина хуҫинчен 2 миллион тенкӗ шыраса илме хӑтланнӑ. Айӑплава колони-поселенире ирттерекен водитель ӗҫе хӑйӗнсӗрех пӑхса тухма ыйтнӑ.

Хӗрне ҫухатнӑ ашшӗ валли Шупашкарти Калинин район сучӗ кӑҫалхи ҫӗртме уйӑхӗн вӗҫӗнче 500 пин тенкӗ шыраса илме йышӑннӑ. Каярах ӗҫе республикӑн Аслӑ судӗнче те пӑхса тухнӑ, анчах приговора вӑйрах хӑварнӑ.

Вилнӗ ҫынна нимле укҫа чӗртсе тӑратаймасси паллӑ ӗнтӗ. Укҫа шыраса илме талпӑннине тӗрлӗрен ӑнланма пулать. Вӑл енне кайсан, аслашшӗ-асламӑшӗ, йытти-кушакки те йывӑр хуйхӑ тӳсрӗмӗр тесе суда тавӑҫ тӑратма пуҫламӗҫ-и, чунӗсене укҫапа лӑплантарма пӑхаҫҫӗ шухӑшлисене те ӑнланма пулать-тӗр.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (25.03.2017)

08:20
 
Голос Республики (12+)
09:00
 
Юрă вăчăри (12+)
09:20
 
Возрождение (12+)
10:00
 
Юрă вăчăри (12+)
10:05
 
Приключения тети Моти и Софии Прекрасной (0+)
10:20
 
Символ веры (12+)
11:00
 
Юрă вăчăри (12+)
11:20
 
Ачалăх урхамахĕ (6+)
12:00
 
Новости (12+)
12:10
 
Чĕререн тухакан сăмахсем (12+)
13:00
 
Новости (12+)
13:10
 
Чĕререн тухакан сăмахсем (12+)
14:00
 
Чĕререн тухакан сăмахсем (12+)
15:00
 
Юрă вăчăри (12+)
15:40
 
Путь к здоровью (12+)
16:00
 
Новости (12+)
16:10
 
Юрă вăчăри (12+)
16:20
 
Чунра юрă шăрансан (12+)
17:00
 
Юрă вăчăри (12+)
17:20
 
Шурăмпуç (12+)
18:00
 
Юрă вăчăри (12+)
18:20
 
Окно в природу (12+)
19:00
 
Новости (12+)
19:10
 
Кĕрекене пуçтарăнсан (12+)
19:20
 
Уйăхпи юмахĕсем (0+)
20:00
 
Каçхи микс (12+)
21:00
 
Каçхи микс (12+)
22:00
 
Юрă вăчăри (12+)
23:00
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: ЭЛ № ФС 77 - 68592.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org