Сайта кӗр | Регистраци | Сайта кӗрсен унпа туллин усӑ курма пулӗ
 -4.0 °C
Ҫӑкӑр-тӑвар хире-хирӗҫ.
[ваттисен сӑмахӗ]
 

Софья Савнеш: Килсӗр-ҫуртсӑр ҫынсене ҫӑкӑр кирлӗ мар

Софья Савнеш10.04.2016 22:15802 хут пӑхнӑ

Шупашкарти пӗр чиркӳ килсӗр-ҫуртсӑр ҫынсене эрнере икӗ хутчен апатлантарассине йӑлана кӗртнӗччӗ. Халӗ пӗлмеcтӗп: ҫитереҫҫӗ-и вӗсене унта? Ҫынсем каланӑ тӑрӑх, «Шупашкар» суту-илӳ комплексӗ хыҫне апат илсе килме пӑрахнӑ. Ку кризиспа ҫыхӑнман-ши?

Пурнӑҫра йывӑр лару-тӑрӑва лекнӗ ҫынсене пулӑшни — пархатарлӑ ӗҫ. Темен те пулать-ҫке пурӑнан пурнӑҫра. Пӗрисене ҫывӑх тӑванӗсем килтен кӑларса яраҫҫӗ. Теприсен ултава пула урамра ҫӗр каҫма тивет. Виҫҫӗмӗшӗсем вара кунашкал пурнӑҫа хӑйсем суйлаҫҫӗ.

Ӗҫе кайнӑ чухне тӗп пасар умӗнче килсӗр-ҫуртсӑр ҫынсене час-часах куратӑп. Урамра сивӗ пулсан та лараҫҫӗ вӗсем. Пӗр хӗрарӑмпа пӗр арҫын яланах куҫ тӗлне пулатчӗҫ. Халӗ таҫта вӗсем — асӑрхаман. Хайхи хӗрарӑм урамри сак ҫинчех ҫӗр каҫатчӗ. Клеенкӑпа витӗнет те выртать. Капла ӑшӑрах, ҫил вӗрмест. Мӗнле нуша илсе ҫитернӗ вӗсене кун пек пурнӑҫ патне? Пӗлместӗп. Анчах вӗсем ҫынсенчен пухнӑ укҫана апат-ҫимӗҫ илсе мар, «фанфурик» туянса пӗтереҫҫӗ. Ир-ирех ҫавсем эрех кӗленчине алӑра тытса лараҫҫӗ. Ҫӑкӑр сӗнсен вӗсене — хирӗҫлеҫҫӗ. Укҫа кирлӗ вӗсене. Анчах укҫа-тенкӗ камӑн кӗсйине тар тӑкмасӑр кӗрет? Пӗр хӗрарӑм ҫавскере лавккаран ҫӑкӑр илсе тухма шантарчӗ. Анчах лешӗ хирӗҫлерӗ.

Тепӗр ватӑ хӗрарӑм вокзала ҫӗр айӗн каҫмалли кӗпер патӗнче ларать. Унӑн чӑнах та нуша пулни курӑнать. Иртен-ҫӳрен ӑна ҫимелли парсан вӑл хирӗҫлемест. Нумаях пулмасть иртсе кайнӑ чухне ӑна каллех асӑрхарӑм. Ватӑскере такам катлет парса хӑварнӑ. Вӑл ӑна хаваспах ҫиетчӗ. Ҫакнашкал ҫынсене курсан шеллес килет. Ӑҫта-ши унӑн тӑванӗсем?

Килсӗр-ҫуртсӑр ҫынсене хваттер туянса парсан вӗсем унта пурӑнмассине ҫирӗплетеҫҫӗ специалистсем. Вӗсем ун пек пурнӑҫа хӑнӑхман. Вӗсемшӗн урам — тӑван кил. Анчах, тем тесен те, вӗсене тӑванӗсен пулӑшмалла, урамран киле илсе кӗмелле. Чунӗ ыратмасть-ши вӗсен ҫывӑх ҫынни урамра ыйткаласа ҫӳренӗшӗн?

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__http://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Радио (29.03.2017)

20:00
 
Хыпарсем (12+)
20:10
 
Юрă вăчăри (12+)
21:00
 
Новости (12+)
21:10
 
Юрă вăчăри (12+)
21:20
 
Республика сасси (12+)
22:00
 
Хыпарсем (12+)
22:10
 
Юрă вăчăри (12+)
23:00
 
Новости (12+)
23:10
 
Юрă вăчăри (12+)

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: ЭЛ № ФС 77 - 68592.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org