Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Чӑн сӑмах куҫа ҫиет.
[ваттисен сӑмахӗ]
 

Таисия Ташней: Ĕçре çывăрни тухăçлăха ÿстерет

Таисия Ташней02.08.2015 08:453387 хут пӑхнӑ

Тĕлĕнмелле пек те, анчах васкамасăр ĕçлекен çын тухăçлăрах тимлет тесе пĕтĕмлетнĕ «Газета.Ru» интернет-кăларăм. Кун пек шухăш патне вăл тĕрлĕ ăсчахсен сăнавĕ тăрăх çитсе тухнă.

 

Ĕçрен пĕлсе пăрăнни тухăçлăха ӳстернине тата çыннăн вăй-халне упраса хăварнине палăртнă май çакăн пек сĕнӳсем хатĕрленĕ.

 

1. Ытларах уçăлса çӳремелле.

Ĕçрен час-час пăрăнса офис тăрăх уçăлса çӳрекенсем пуçа çĕклемесĕр тăрăшакансенчен 49 процент тухăçлăрах ĕçлеççĕ. Ăсчахсем çакă пуç мимине кислород аванрах пынă май ăслă шухăш та ытларах килнипе çыхăннă-тăр тесе шухăшлаççĕ.

 

2. Телефонпа юмах çапмалла тата тĕнче тетелне тухмалла.

Александр Пентлант ăсчах тата унăн Массачусетсри технологи университечĕн ĕçтешĕсем социаллă сетьсене тухма чарман тата ĕçлĕ мар калаçупа вăхăта ирттерме чарман компанисенче тăрăшакансем пуçлăхĕсем кашни утăма сыхлакан ĕçтешĕсенчен 60 процент тухăçлăрах тимленине асăрханă. Ĕçпе çыхăнман калаçу япăх кăмăла сирме пулăшать, пĕр-пĕрин хушшинчи хутшăнăва çирĕплетет.

 

3. Çывăрса илмелле.

Торонто университетĕнчи Джон Трогакос ăсчах ĕнтĕркесе кайнă вăхăтра кофе ĕçес вырăнне пуçа хурса илме сĕнет. Нумайлăха мар. Пĕр 20 минутлăха. Ĕçре сăнав меслечĕпе тĕлĕрсе илме ирĕк панисенчен 70 проценчĕ çавăн хыççăн тухăçлăрах ĕçлеме тытăннине асăрханă.

 

4. Кĕнеке вуламалла.

Кĕнеке вуланин уссине хрантсус тĕпчевçи Вероник Боленер сăнанă. Ĕçленĕ вăхăтра кĕнеке вуласа канса илекен çын ĕçтешĕсемпе пĕр чĕлхе çăмăлтарах тупнине тата йывăр лару-тăруран çăмăлтараххăн тухнине асăрханă.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем