: Памятник пулать!

04.05.2010 20:532301 хут пӑхнӑ

Штанаш тӑрӑхӗнче паллӑ вырӑнсем нумай. 1842 ҫулта уҫнӑ шкул зданийӗ ҫине 1968 ҫулта ҫак шкулта 1871 ҫулхи декабрӗн 17-мӗшӗнче И. Н. Ульянов тӗрӗслевпе килни пирки асӑну хӑми ҫапнӑ. Кунтан инҫех мар вӑрҫӑра пуҫне хунисене асӑнса пӗрремӗш ракетчик Иван Николаевич Коннов ӑсталанӑ палӑк ларать. Упӑкушкӑнь ялӗнче пирӗн шкулта вӗреннӗ, вӑрҫӑра пуҫне хунӑ Совет Союзӗн Геройӗ Алексей Романович Логинов ҫуралса ӳснӗ ҫурт ҫине асӑну хӑми вырнаҫтарнӑ.
Кӑҫал Упӑкушкӑнь ялӗнче вӑрҫӑра пуҫне хунӑ паттӑр салтаксен ячӗпе палӑк уҫасшӑн.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (3)]

Комментари:

Аçтахар Плотников // 1182.36.5208 2010.05.04 21:03
	Унччен лартман-им? Эп вăл палăксем кашни ялтах пулĕ тесеччĕ (пирĕн патра — Лапсарта, Çатракассинче тата Вăрманкасра пур. Ассакассипе Чăркашсем пирĕн патра, Лапсарта пухăнаççĕ). Лартаççĕ пулсан — мухтамалла!
Галина Зотова // 3000.86.4044 2010.05.08 20:33
	Кăçал республикăри чылай районта çĕнĕ палăксем лартни пирки хаçатсенче те интернетра та вуласа пĕлтĕм.
Галина Зотова // 1497.57.3998 2010.05.12 21:37
	Уяв чаплă иртрĕ.Совет Союзĕн Геройĕ Логинов Алексей Романович ячĕпе хисепленекен парка обелиск вырнаçтарнă,ун çине çак ялтан вăрçăра хутшăннă кашни çын ятне çырса хунă, 89 ят.Йĕри-тавра чечексем ешереççĕ. Палăка çак ялта çуралса ÿснĕ Романова(Осипова) Ираида Михайловна пуçарнипе çĕкленĕ.Ăна унăн мăшăрĕ Романов Владимир Геннадьевич ,тăванĕсемпе ял халăхĕ хавхалантарса пулăшса пынă.Спонсорсем чылай. Обелиска Штанаш тата Раскильдино пачăшкисем светить турĕç. Уява район тата Шупашкар представителĕсем, палăк тума хутшăннă спонсорсем,вырăнти салтак арăмĕсем,пĕртен-пĕр вăрçă участникĕ Степанов Григорий Алексеевич, ял халăхĕ,телевидени, Шупашкарти артистсем хутшăнчĕç.Салтак яшки, салют...Шкул ачисем обелиск умĕнче почетный караулта тăчĕç.Обелиск тума хутшăннă пур çемьене те Ираида Михайловна Тав хучĕпе чысларĕ.